Эфиопиянинг жануби-ғарбидаги Гамбела шаҳрида (Жанубий Судан чегарасидан 50 км узоқликда жойлашган) қуролли ҳужум оқибатида 140 га яқин одам ҳалок бўлди. Бу ҳуқда 17 апрелда AFP ахборот агентлиги хабар берди.

"Мурле (Суданнинг 230 мингга яқин аҳолиси бўлган, асосан Жанубий Судан ва Эфиопия билан чегарадош бўлган ҳудудларда яшайдиган элат) Гамбела шаҳрида қуролли босқинчилик содир этди, бунинг оқибатида 140 га яқин одам ҳалок бўлди. Бундан ташқари, кўпчилик ўғирлаб кетилган", деб маълум қилди Эфиопия ташқи ишлар вазирлиги матбуот котиби Тевольде Мулутега. "Бизнинг қуролли кучлар вакиллари босқинчиларни тақиб қилиши натижасида уларнинг кўпчилиги ўлдирилди", деб айтди дипломат.

Дипломатнинг айтишича, "чорвачилик кучли ривожланган Эфиопиянинг Жанубий Судан билан чегарадош ҳудудларига бундай босқинчиликлар кўплаб содир этилади". "Бу ҳужумгача мурле элати томонидан бундай ҳужумлар бўлганди. Улар чорвани ўғирлаш мақсадида ҳужум қилади. Бироқ, шубҳасиз, бундай катта кўламдаги ҳужум ҳали бўлмаганди", деб айтди Мулутега.