Сўнгги вақтларда жуда тушкун ва ҳорғин ҳолатда юрган Ҳолливуд актрисаси Анжелина Жоли нима сабабдан жуда ҳам озиб кетгани ҳақида сўзлаб берди

ОАВда бонг ураётган охирги янгиликлар актрисанинг мухлисларини қаттиқ хавотирга сола бошлаган эди – журналистлар унинг саратон, анорексия ва параноид касалликларига чалингани ва ҳаттоки шифохонага ётқизилгани, Брэд Питт билан ажрими ҳақида турли хил хабарларни чоп этишган эди.

Бу каби миш-мишларга чек қўйиш мақсадида Жоли нега бундай озиб кетгани ҳақида ўзи маълумот беришга қарор қилди.

Аввал хабар берилгандек, Жолининг бўйи 1.69 см бўлишига қарамасдан, унинг вазни 35 килограммгача тушиб кетгани ва шифокорлар томонидан агар актриса яна 5 килограмм йўқотса, вафот этиш хавфи остида қолиши айтилганди. 

Шунингдек, у турмуш ўртоғи Брэд Питт билан ажрашишга қарор қилгани ҳақида ҳам миш-мишлар тарқалди. ОАВда Анжелина Брэднинг янги маъшуқаси пайдо бўлганлигидан қаттиқ изтироб чекаётгани ҳам ёзилди. Бироқ омма орасида Брэд Питтнинг хиёнатини тасдиқловчи ҳеч қандай суратлар пайдо бўлмаган.

Актриса ўзи ҳақида тарқалган барча миш-мишларни рад этди. Сўнгги интервьюларнинг бирида у “Синмас” фильмининг суратга олиш вақтида озишга мажбур бўлганини қайд этди. Фильм концлагер маҳбуслари ҳақида ҳикоя қилгани учун актёрлар атайин жуда кам овқат истеъмол қилишган. Анжелина ҳам уларни қўллаб-қувватлаш мақсадида деярли овқатланмасликка қарор қилган.