АҚШ Гуантанамодаги 9 нафар маҳбусни Саудия Арабистонига ўтказди, деб хабар бермоқда Пентагонга иқтибос келтирган ҳолда РИА “Новости” ахборот агентлиги.  

Таъкидлашича, барча маҳбуслар Яман фуқароларидир. АҚШ ҳукумати улар бошқа мамлакат учун хавфли эмас, деган қарорга келган.

Аввалроқ АҚШ Гуантанамода сақланадиган икки нафар ливияликни Сенегалга топшириши маълум қилинганди. 

Март ойи охирида Пентагон АҚШ конгрессини Гуантанамодаги бир неча маҳбусларни бошқа давлатларга топширишидан хабардор қилган.