Туркиянинг Истанбул шаҳри марказида Топкапи тумани бекатидаги автобус ёниб кетди, деб хабар беради Hurriyet.

Қайд этилишича, ёнғин туфайли бекат яқинидаги ҳудуд беркитилган. Бундан ташқари, воқеага гувоҳ бўлганларнинг айтишича, автобус ёнаётган чоғида жуда қаттиқ портлаш овозини эшитишган.

Айни дамда, ҳалокат оқибатида қурбон бўлганлар ва жабр кўрганлар ҳақида аниқ маълумот мавжуд эмас. Автобус у вақтда йўналиш бўйлаб ҳаракатни амалга оширмаган бўлиб, унинг ичида ҳайдовчи ва йўловчилар бўлмаган.

Воқеа жойига полиция ва ўт ўчириш ходимлари етиб келишган. Қутқарувчилар эса ёнғинни ўчиришга муваффақ бўлишган.

Ижтимоий тармоқлардаги маълумотларга кўра, ёнғин автобус ичидаги портлаш туфайли содир бўлган. Бироқ бу хабар ҳали ўз тасдиғини топмади.