Белграднинг "Црвена Звезда" ва "Партизан" клублари ўртасидаги футбол учрашуви фанатларнинг полиция билан тўқнашуви билан якунланди. Бу ҳақда 17 апрелда "Бомбардир" портали хабар берди.

Портал маълумотларига кўра, мухлислар ўртасидаги тўқнашув учрашувдан олдин ҳам, ўйин вақтида ҳам содир бўлди. Стадиондаги тартибсизликлар полициячилар тўқмоқ ва кўзни ачиштирувчи газли баллончалар билан "Црвена Звезда" фанатлари жойлашган трибунага кириб боргандан кейин бошланган. Мухлислар файерлар ёқишни ва полициячиларга ўриндиқлар отишни бошлашган.

Тўқнашувларда мухлислар ҳам, полициячилар ҳам жароҳат олди. Жароҳатланганларнинг аниқ сони маълум қилинмади.

Учрашув 16 апрелда бўлиб ўтиб, 1:1 ҳисоби билан якунланди. 31-турдан кейин "Црвена Звезда" Сербия чемпионатида етакчилик қилмоқда, "Партизан" эса 3-ўринни эгалламоқда. Ушбу клублар ўртасидаги учрашувлар мамлакат футбол мухлислари учун энг интригаларга бой қарама-қаршилик ҳисобланади.