Смартфонлар даврида шахсий ҳаёт кечириш қийинлашиб бормоқда. Ҳаттоки, Facebook Messenger’дан то WhatsApp’гача дўстларингизга уларнинг хабарларини кўрганингиз ҳақида ҳисобот етиб боради.

Кўпчилик бунинг олдини олишнинг иложи йўқ деб ўйласа керак? Аммо, ундай эмас.

Қуйида қандай қилиб машҳур мулоқот дастурларида юқоридаги функцияни ўчириш мумкинлигини айтилади.

Биринчидан, агар фойдаланувчининг хоҳламаган инсонидан хабар келса, дастур дарҳол очилмайди. Барча Wi-Fi ва мобиль сигналларни ўчирувчи “Парвоз режим”и ёқилади.

Иккинчидан, бу режим ёқилганидан сўнг, фойдаланувчи дастурни очиб, хабарни юборган инсонга билдирмасдан ўқиб кўриши мумкин ва юборган шахснинг дастурида “кўк таёқча”лар (хабар ўқилганини билдирувчи белги) пайдо бўлмайди.

Учинчидан, дастур фойдаланувчи томонидан бутунлай ёпилиши зарур ва “Парвоз режим”идан ҳам чиқиш мумкин.

Шу қадамлар амалга оширилганидан сўнг, хабарларни юборган шахс уларнинг ўқилганини билмайди. Фақат қабул қилувчи онлайн бўлганда уларни очиб ўқимаса бўлди.

Messages/iMessages мобиль дастури фойдаланувчилари учун қўлланма:

iMessage дастурида фойдаланувчи ёқтирмаган шахсларнинг хабарини ўқилганлигини билдирмаслик учун “Send Read Receipts” функциясини “ўчириш” зарур.

iOS платформасида буни амалга ошириш учун “Settings” бўлимига кирасиз, сўнг “Messages” менюсига кириб, “Send Read Receipts” тугмасини ўчирасиз.