Apple корпорацияси ўзининг биринчи автомобилини ишлаб чиқариш учун Австриянинг таниқли Magna компаниясини жалб қилиши мумкин, деб хабар бермоқда немис ОАВга иқтибос келтирган ҳолда 9to5Mac портали.

Портал маълумотларига кўра, Apple Берлинда бир нечта немис автокомпанияларидан жалб қилинган 20 га яқин муҳандис машина яратиш устида иш олиб борадиган "махфий лабораторияни" яратди.

Таъкидланишича, Magna йирик автомобилсозлар учун чекланган моделлар ишлаб чиқаришга ихтисослашган. Мисол учун, Magna компанияси BMW учун MINI Paceman ва Clubman ҳамда BMW X3 моделларини ишлаб чиқарган. Яқин 6 йил ичида компания BMW учун 100 мингдан кўпроқ автомобиль ишлаб чиқариши кутилмоқда.

Apple автомобили ишлаб чиқариш учун Австрия ёки Германия танланиши мумкин.