Giorgio Armani S.p.A.(Италия мода компанияси) президенти Жоржио Армани, ўз компаниясини махсус ташкл этилган жамғарма ихтиёрига топширишни режалаштирмоқда. Бу ҳақда «Ведомости» нашри хабар берган.

«Йиллар ўтиши билан компанияни бошқаришнинг турли усуллари пайдо бўлиши мумкин. Менинг фикримча, махсус фонд ташкил этиш энг мақбул йўлдир. Аммо, жамғарма компания фаолияти билан бевосита шуғулланмай, юридик нуқтаи-назардан бизнеснинг боришини назорат қилиб туради», — дея аниқлик киритган модельер.

Арманининг айтишича, компания бошқарувига ижодиёт ва тижорат соҳасида иқтидорли кишиларни шахсан ўзи танлаб олади.