Австралиянинг Жилонг шаҳридаги бошланғич мактаблардан бирида “ачом-ачом” қилишни тақиқлашди. Ўқувчиларга меҳрни ифодалашнинг бошқа усулини ўйлаб топиш тавсия қилинган. Бу ҳақда Herald Sun хабар тарқатган.

Авлиё Патрик мактаби директори Жон Грантнинг маълум қилишича, бундан тақиққа тайинли сабаб йўқ, бироқ болаларнинг ҳимояси ва уларни кичиклигиданоқ эҳтиёткорликка ўргатиш ниятида ушбу чора кўрилди.

Грантнинг сўзларига кўра, дўстлик ва меҳрибонликни ифодалашнинг бошқа йўллари ҳам бор, масалан оғзаки ифодалаш.

“Ачом-ачом” учун жазо белгиланмаган, ўқитувчилар уқувчиларни шунчаки бир-бирларининг шахсий ҳудудларини ҳурмат қилишга чақиришади.