Белояр АЭСнинг (Свердловск вилояти) тез нейтронли БН-800 реактори синовдан муваффақиятли ўтди, у 85 фоизли қувват даражасидан 100 фоизли қувват босқичини ўзлаштирди. Бу ҳақида 18 апрель куни БАЭС матбуот хизматига таяниб, ТАСС нашри хабар берди.

"15 апрель куни номинал - 730 мегаваттдан 85 фоиз қувват даражасидаги БН-800 реакторли янги 4-рақамли энергоблокнинг синов дастурлари якунланди. Шу тариқа, 16 апрелдан Белояр АЭСнинг янги энергоблоги саноат-тажриба эксплуатацияси доирасида қувватни ўзлаштириш бўйича кейинги босқичга - 100 фоизли номинал қувватга ўтади ", - дейишди у ерда.

БАЭС маълумотларига кўра, номинал қувватга чиққандан сўнг жорий қувват даржасида ускуна ва тизимлар текширув ҳамда синовлардан ўтказилади.

"Саноат эксплуатациясига энергоблокни 2016 йилнинг кузида топшириш режалаштирилмоқда", - дейиилган корхона матбуот хизмати хабарида.

Белояр АЭС 1964 йилнинг апрелида ишга туширилган. АЭСнинг илк АМБ-100 ва АМБ-200 иссиқлик нейтрондаги реакторли энергоблоклари ресурс чиқариш муносабати билан тўхтатилган. Эксплуатацияда БН-600 саноат қуввати даражасидаги тез нейтронлардаги реакторли энергоблок мавжуд. Қувватни ўзлаштириш босқичида БН-800 тез нейтронлардаги реакторли энергоблок бор, у дунёдаги энг йирик тез нейтронли реактор бўлиши кутилмоқда.