Европа Иттифоқи Қирғизистон Республикасига сайлов тизимини ислоҳ қилиш учун 13 миллион евро миқдорида пул ажратади. Бу ҳақда бугун, 18 апрель куни Жўқорғи Кенгешнинг бюджет ва молия бўйича кенгаши мажлисида маълум қилинди.

Мажлисда “Сайлов тизимини ислоҳ қилиш орқали демократияни яхшилаш” дастури бўйича Қирғизистон ва Европа Иттифоқи ўртасидаги молиявий келишув лойиҳаси намойиш этилди.

Марказий сайлов қўмитаси раиси Туйғунали Абдураимовнинг сўзларига кўра, ушбу грантдан 2017-2018 йилларда фойдаланилади.