Франция президенти Франсуа Олланднинг рейтинги рекорд даражада тушиб кетган. Бу ҳақида Le Journal du Dimanche нашри маълум қилди.

Ifop институти томонидан ўтказилган тадқиқотлар натижасига кўра, Олланд сиёсатига қарши чиқувчилар миқдори 85 фоизни ташкил қилмоқда, улардан 46 фоизи президент фаолиятидан "жуда мамнун", 39 фоизи эса - "нисбатан мамнун".

Олланднинг машҳурлик рейтинги бугунги кунда 14 фоизни ташкил этмоқда, сўров қатнашчиларининг 2 фоизигина президент фаолиятидан "жуда мамнун", 12 фоизи эса "нисбатан мамнун".

Президентдан норозилик сабабларини иқтисодий ва ижтимоий сиёсатда натижаларнинг йўқлиги, юқори солиқ ва қочоқларга ҳаддан зиёд эътибор қаратилаётгани билан изоҳлашди.

Нашрнинг баҳолашича, Олланддан олдинги ҳеч бир раҳбар 1958 йилда Францияда барпо этилган Бешинчи республика тарихида бунчалик норозиликка учрамаган.