Россия ташқи ишлар вазири Сергей Лавровнинг айтишича, Америка томони Суриянинг ҳақиқий мухолифатига таъсир этишнинг уддасидан чиқа олмади.

Унинг маълум қилишича, Вашингтон, уларни жанговар ҳаракатлар бўлаётган ҳудудлардан чиқиб кетишга кўндириши лозим эди.

«Америкаликлар бизни жуда кўп маротаба ушбу масала билан шуғулланишларига ишонтиришди. Уларнинг таъсири билан Сурия мухолифати жанговар ҳаракатлар ҳудудини тарк этиши ва «Жабҳат ан-Нусра»га қарши коллектив ҳарбий ҳаракатларга тўсқинлик қилмаслиги лозим эди. Аммо буларнинг барчаси қуруқ сўздан иборат бўлиб қолмоқда», — дея Лавров сўзларидан иқтибос келтиради РИА «Новости» агентлиги.

Бундан аввал, Сергей Лавров, АҚШ ва Туркияда Сурия раҳбари Башар Асадни ҳокимиятдан четлатишни истаётганлар борлигини айтган эди.