Шимолий Кореяда пирсинг тақиш тақиқланди ҳамда жинси ва бошқа “ғарбча кийимлар”га чекловлар киритилди. Ушбу қарор 2016 йил май ойида бўлиб ўтадиган Меҳнат партиясининг VII съезди олдидан қабул қилинди

Ташқи кўринишга бўлган қатъий талаблар, биринчи навбатда, Шимолий Ҳемген ва Хитой чегарасидаги Янгандо провинцияларига татбиқ этилади.

Маълумотларга кўра, шимолий кореялик фуқароларни КХДР раҳбари Ким Чен Инни қўллаб-қувватловчи ёшлардан иборат гуруҳ назорат қилади. Улар юбкаларнинг узунлиги, оёқ кийимнинг шакли, шунингдек, бошқа кийимлар ва соч турмакларини назорат қилишади.

Шимолий Кореяда ишлайдиган япониялик журналист Исимару Дзиронинг фикрига кўра, КХДР аҳолисининг борган сари кўпроқ қисми ғарбона маданиятга қизиқиш билдираётгани ушбу тақиқларга сабаб бўлган.