Валенсия политехника университетида футболчиларнинг қиймати бўйича ўтказилган тадқиқот натижасида маълум бўлишича, «Барселона» футбол жамоасининг аргентиналик ҳужумчиси Лионель Мессининг асл трансфер нархи 141 миллион евро ва унинг кўрсаткичи «Реал» ҳужумчиси Криштиану Роналдунинг кўрсаткичидан 40 млн евро кўп (101 млн евро). Бу ҳақда Terra хабар тарқатган.

Тадқиқотда голлар, узатмалар, қизил карточкалар, жамоа билан ўйнаш қобилияти инобатга олинди. Бундан ташқари, Месси ва Роналдунинг кўрсаткчилари «Реал» вакиллари Гарет Бэйл ва Хамес Родригез, «Барселона» футболчилари Луис Суарез ва Неймарнинг кўрсаткчилари билан таққосланди.

Жорий мавсумда Роналду Испания чемпионатининг 33 учрашувида 31 гол урган ва 11та голли узатмага муаллифлик қилган. Месси эса жамоаси билан 28 учрашувда майдонга тушиб, 23 гол урган ҳамда 10 марта шерикларини голли пас билан таъминлаган.