Ўтган 3 кун мобайнида Уругвайда ёққан кучли ёмғирлар ортидан келиб чиққан сув тошқинлари ва торнадо туфайли 7 киши ҳалок бўлган. Бу ҳақда мамлакат президенти Табаре Васкес хабар қилган.

Шунингдек, 2057 нафар киши ўз уйини тарк этишга мажбур бўлган.

Бу табиий офатлардан энг кўп миқдорда мамлакат жануби-ғарбидаги Сорьяно департаментида жойлашган Долорес шаҳри зарар кўрган. Бу шаҳарда 15 апрель куни торнадо туфайли 4 киши ҳалок бўлган ва 200дан ортиқ киши жароҳатланган. Шаҳардаги юзлаб уйлар жиддий шикастланган. 5 киши мародёрлик (кафандузд - ярадорларни таловчи одам) учун ҳибсга олинган.

17 апрель куни Уругвайда Долоресдаги қурбонлар хотираси учун мотам сифатида эълон қилинди. Мамлакат президенти фожиа ҳудудига ташриф буюрган ва вайрон бўлган уйлар ҳамда инфратузилмани тиклашга ваъда қилган.

Шунингдек, Рочо, Серро-Ларго ҳамда Канелонес шаҳарларида 3 киши табиий офат қурбонларига айланган. Уругвайнинг бир қанча ҳудудлари электр таъминотидан узилиб қолган.