«Ъ»: Россияликлар даромадининг ярмидан ортиғини егуликка сарфламоқда

Иқтисодиёт 19 Апрель 2016 740

Россияда давом этаётган иқтисодий инқироз сабабли мамлакат фуқаролари даромадларининг 50 фоиздан кўпроғини истеъмол маҳсулотларига сарфлашга мажбур бўлишмоқда.

«Шу каби ҳолат 2008-2009 йилларда ҳам қайд этилган эди», деб ёзмоқда «Коммерсантъ» нашри, Россия президенти ҳузуридаги халқ хўжалиги ва давлат хизмати Россия академияси (РАНХиГС) қошидаги ижтимоий таҳлил ва прогнозлаш институтига таянган ҳолда.

2016 йил февраль ойи якунларига кўра, алкоголь ва тамаки маҳсулотлари билан бирга қўшиб ҳисобланганда, озиқ-овқат улуши, чакана савдонинг 50,1 фоизини ташкил этган. 2009 йил майида ушбу кўрсаткич жами савдо айланмасининг 48,6 фоизини, 2014 йилда эса, 47 фоизини ташкил этган эди.

РАНХиГС институти маълумотларига кўра, 2016 йил февралида Россия фуқароларининг реал даромади ўтган йилнинг шу даврига нисбатан 6,9 фоизга пасайган. Реал ойлик маош 2,6 фоизга пасайган, қашшоқлик даражаси эса 13,4 фоизга кўтарилган.

Тадқиқот натижаларига биноан, мамлакат аҳолисининг ярми турмуш даражасининг пасайишини эътироф этмоқда. Шу боисдан, нафақат кам таъминланган оилалар, балки ўрта синф вакиллари ҳам тежамкорлик йўлига ўтишган. Россияликларнинг ушбу икки гуруҳининг 89 ва 79,3 фоизи тегишли равишда маҳсулот ва хизматлар учун пулларини тежай бошлаган.

Хабар қилинишича, озиқ-овқат маҳсулотлари нархи биринчи чоракда 6,9 фоизга қимматлашган, бир йил аввал бу кўрсаткич 22,4 фоизни ташкил этган эди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 9877 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 22786 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 45469 Жамият
Кун.uz офис изламоқда
15:48 / 06.08.2017 46887 Lifestyle
Сайёҳлар энг кам борадиган давлат номи маълум қилинди
13:42 0 Lifestyle
«Ўзсаноатэкспорт» маҳаллий экспорт қилувчиларга ёрдам беради
Газ идорасига тилла буюмлар орқали тўловни амалга оширишини ваъда қилган фирибгар аёл ушланди
13:33 173 Жамият
Самарқанд шаҳри ҳокими ўзгарди: Раҳимов ўрнига бошқа Раҳимов
ТИВда Россия парламент делегацияси билан учрашув ўтказилди
Уйни воситачисиз сотиш усуллари – ҳужжатлар
13:20 681 Жамият
Кўпроқ янгиликлар