Интернет-гигант вакиллари зарар кўраётгани туфайли сотувга қўйилган Франкфурт-Хан аэропорти маъмурияти билан музокаралар ўтказишди. Бу ҳақида Sueddeutsche Zeitung газетаси ҳамда логистика саноатининг Lloyd's Loading List веб-тармоғи хабар беради.

Музокараларда гап нима ҳақида боргани ва унинг натижаларига доир маълумот берилмади, аммо салоҳиятли аноним харидорлардан уч таклиф тушгани аён, шунинг учун битим имзоланишига узоқ вақт қолмади.

Германия аэропорти Amazon учун бутун Европа бўйлаб хизмат қиладиган муҳим транзит маркази бўлиши мумкин. Шунингдек, бу Amazon учун логистика ва юк ташишнинг тўлақонли хизматларни йўлга қўйиш учун ҳал қилувчи босқичдир, баъзи мутахассисларнинг фикрича, бунинг натижасида FedEx ва UPS каби ташувчилар билан рақобатлашиш мумкин.

Ўтган ой Amazon АҚШга 1-2 кун ичида товарлар етказиб бериш имкониятини таъминлаш мақсадида 20та Boeing 767 авиалайнери ижараси учун битим тузди.