АҚШга якка ҳолда кириб келган қочқин болаларнинг ярмидан ортиғи мамлакатда ноқонуний мақомга эга катта ёшли кишиларга қўшилган ва улар билан бирга кун кечирмоқда. Бу ҳақда Associated Press агентлиги хабарида ёзилган.

АҚШ соғлиқни сақлаш ва ижтимоий хизматлар вазирлиги тарқатган маълумотларга кўра, 2014 йилнинг февралидан 2015 йил сентябрига қадар кириб келган 71 минг қочқин болаларнинг 80 фоизи мамлакатда юридик ҳужжатларсиз истиқомат қилувчи катта ёшли кишилар ихтиёрига топширилган.

Бунда болаларнинг 6 фоизи, мамлакатда 10 йилдан кўпроқ муддат мобайнида яшаш ва ишлаш ҳуқуқига эга кишилар қарамоғига тушган.

Бундан аввалроқ, 2015 йилда Германияда 6 минг нафар қочқин бола бедарак йўқолгани хабар қилинган эди.