IBF/WBA таснифлари бўйича ўрта вазн тоифасида жаҳон чемпиони Геннадий Головкин ўзининг потенциаль рақиби Сауль «Канело» Альваресни рингга чақирган. Бу ҳақда Sports.kz хабар бермоқда.

— Сен Амир Хон билан жанг қиласан, балким кейинроқ, Мэнни Пакьяо билан ҳам... ҳой, «Канело» мени эшит, менда иккита чемпионлик камари бор. Шунинг учун мен билан жанг қил. Албатта, бу жанг иккимиз учун ҳам осон бўлмайди. Шундан сўнг, сен Мэнни ёки Флойд (Мейвезер) билан рингга чиқарсан.

Аммо, мен учун ким кучли эканини билиш жуда муҳим. Бу борада биринчи рақамли ким? Мени қизиқтирган асосий нарса шу, пул иккинчи масала. Тўғри, мағлубият сенинг шонингга путур етказади. Балки, қарорнинг 20 фоизи «Канело» учун бўлса, 80 фоизи Golden Boy учундир. Бу бизнес бўлсада, боксга нисбатан ҳурматсизлик ҳисобланади. Аксариятнинг фикрича, «Канело» — буюк чемпион, Мексика тимсоли. Нимада? Боксдами? Йўқ ундай эмас. Балким бизнес соҳасида дейиш тўғрироқ бўлар", -дея Головкин сўзларини келтиради Los Angeles Times нашри.

Эслатиб ўтамиз, Головкин - Уэйд жанги, 23 апрель (Қозоғистон вақти бўйича 24 апрель эрталаб) куни Лос Анжелесдаги "Форум" аренасида бўлиб бўлиб ўтади. Қозоғистонлик боксчи WBA таснифидаги мақомини 16 марта, IBO бўйича 13 маротаба, WBC (Interim-оралиқ) таснифида тўртинчи, IBF таснифида илк маротаба чемпионлигини ҳимоя қилади.