Немис разведкаси Европа курортларида терактлар содир этилиши эҳтимолидан огоҳлантирмоқда

Жаҳон 19 Апрель 2016 372

ИШИДнинг худкуш террорчилари Европанинг машҳур курортларида қўпорувчиликларни амалга оширишга тайёргарлик кўрмоқда. Итальян махсус хизматлари немис разведкасига шу каби маълумотларни тақдим этган. Бу ҳақда Bild таблоидининг 19 апрелдаги сонида эълон қилинган.

ОАВ хабарига кўра, Франция ва Испания (Коста-дель-Соль) жанубидаги чўмилиш ҳавзалари шунингдек, Италиянинг икки соҳилидаги курортлар хавф остида қолмоқда.

Террорчилар бу борада аллақачон режа ишлаб чиқишгани айтилган. Унга кўра, жиноятчилар дам олиш масканларига қочқинлар, егулик, ичимлик ва сувенир сотувчилар кўринишида кириб келишлари мумкин.

Улар ўқотар қурол ва портловчи мосламалардан ҳужум уюштиришлари эҳтимоли мавжуд.

Нашрнинг ёзишича, келиб чиқиши сенегаллик бўлганлар "Боко Ҳарам" аъзоси сифатида жиноятларни содир этиши мумкин. Маълумки, «Боко Ҳарам» ўтган йилнинг апрель ойида ИШИД таркибига кирганини эълон қилиб, номини ҳам "ИШИДнинг ғарбий провинцияси" дея ўзгартирган эди.

Сенегалнинг Сали Сек Поай шаҳри полиция раҳбарининг фикрича, янги хуружларда, шу пайтга қадар экстремистик ташкилотларга содиқлигини исботламаган африкаликлар хизматидан фойдаланилади.

«Улар Италия ва ЕИнинг бошқа мамлакатларига тез-тез сафар қилиб турадиган кишилар бўлиши мумкин. Уларнинг виза ва ҳужжатлари жойида. Улар ноқонуний кишилар эмас, балки ўз бизнесига эга одамлардир. Айни шу уларни анча хавфли қилади», — деб баёнот берган полиция маҳкамаси раҳбари.

2016 йилнинг март ойида АҚШ давлат департаменти жангарилар, хусусан ИШИД аъзолари, Европада янги терактлар содир этишга ҳозирлик кўраётгани хусусида огоҳлантирган эди. Департамент маълумотларига кўра, йирик спорт мусобақалари, театрлар, бозорлар, авиахизматлар ва транспорт тизими террорчиларнинг нишонига айланиши мумкин.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 47677 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 64248 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34870 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19874 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 75591 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60414 Жамият
Франция Трампнинг Афғонистон бўйича қарорини қўллаб-қувватлади
18:56 14 Жаҳон
Ўзбекистонда ўзиучар қурилмалардан фойдаланиш корхонаси ташкил этилади
Ҳамза Жумаев телевидениега қайтди
18:38 2332 Жамият
АҚШ миллий разведкаси собиқ раҳбари: Трампнинг Финиксдаги чиқиши кишини қўрқитмоқда
18:33 789 Жаҳон
Кўпроқ янгиликлар