Стива Жобс, Ларри Пейж, Жек Дорси ҳамда Силикон водийсидаги бошқа кўплаб таниқли шахсларнинг устози бўлган Билл Кэмпбелл 18 апрель куни 75 ёшида оламдан ўтди. Бу ҳақда Re/Code хабар тарқатди.

Марҳум бизнесменнинг яқинлари айтишича, у узоқ вақтдан буён саратонга қарши курашиб келмоқда эди.

Кемпбелл Google, Amazon, Apple, Twitter ва бошқа кўплаб компанияларнинг ташкил топиши ҳамда ривожланишига алоқадор эди. Кейинги йилларда у Apple компанияси директорлар кенгаши аъзоси бўлиб ишлаган, 2014 йилда компаниядан кетганди.

Силикон водийсидаги кўпчилик шахслар уни Мураббий деб аташарди.