Чорвачилик, ўсимликлар етиштириш ва қишлоқ хўжалиги техникалари бўйича мутахассислардан иборат Франция делегацияси 2016 йил 30 май-2 июнь кунлари Ўзбекистонда меҳмон бўлади.

Франциянинг Тошкентдаги элчихонаси маълумотларига кўра, ташрифдан кўзланган мақсад Ўзбекистон аграр сектори билан танишиш ва ҳамкорлик алоқаларини ўрнатишдир.

Москвадаги Business France бюроси фикрича, «ўзбек қишлоқ хўжалиги бозори бой потенциал, йирик ички бозор ва улкан экспорт имкониятига эга», деб ёзмоқда uzdaily.uz интернет нашри.

Француз компаниялари, сунъий уруғлантириш технологиялари, йирик шохли чорва ирсий маълумотлари, чорвачилик ва сутни қайта ишлаш соҳаларида тажрибалар билан ўртоқлашиш ниятида.

Шунингдек, мева-сабзавотларни сақлаш, қайта ишлаш соҳасида француз тажрибаси, айрим турдаги қишлоқ хўжалиги техникалари ўзбек томонида қизиқиш уйғотиши мумкин.