Бразилиянинг Рио-де-Жанейро шаҳрида трамполин бўйича лицензион мусобақа ўтказилди.

Унда ўзбекистонлик Екатерина Хилько саралаш босқичидан муваффақиятли ўтиб, кучли саккизликдан жой олди ҳамда XXXI ёзги Олимпиада ўйинларига йўлланмани қўлга киритди. Бу ҳақда Миллий Олимпия қўмитаси матбуот хизмати хабар қилди.

Шу тариқа, Екатерина Хилько фаолиятидаги бешинчи Олимпиада ўйинларида иштирок этадиган ягона трамполинчига айланади. Дунё трамполинчилари орасида шу кунга қадар тўрт нафар спортчи тўрт мартадан Олимпиада ўйинларида қатнашиш ҳуқуқини қўлга киритган эди.