АҚШ президенти Барак Обама Ар-Риёдда Саудия Арабистони қироли Салмон ибн Абдулазиз ал-Сауд билан музокараларни бошлади, деб хабар бермоқда Associated Press ахборот агентлиги.

Таъкидланишича, музокаралар Саудия Арабистони раҳбарияти Обамада ишончли иттифоқдошни кўрмаётган бир пайтда ўтмоқда. Аэропортда АҚШ президентини қиролнинг ўзи эмас, балки пастроқ даражадаги амалдор кутиб олгани ҳам бундан дарак беради.

Форс кўрфази тадқиқот маркази таҳлилчиси Мустафо Аланийнинг айтишича, Саудия Арабистонида АҚШнинг аввалги президентлари билан ҳам келишмовчиликлар бўлиб турган. "Бу ҳолатда президент Саудия Арабистони учун нимадир яхши нарса қилаётганига умуман кам ишонмоқдамиз", деб айтди Аланий.

Обама билан бирга учрашувга Пентагон раҳбари Эштон Картер ва Марказий разведка бошқармаси раҳбари Жон Бреннан ҳам келган.