Мобиль алоқа бўйича миллий оператор, йирик иншоотларда алоқа сифатини яхшилаш мақсадида чоралар кўрмоқда, дейилади Uzmobile расмий саҳифасида.

Маълумотларни узатишни сифатли таъминлаш мақсадида, оператор Lamp Site база станцияларини ўрнатмоқда. Улар, савдо марказлари, кўргазмалар зали, бизнес марказлар каби катта майдонли бинолар ичида алоқа сифатини яхшилашга хизмат қилади.

Компания маълумотларига кўра, янги ускуна Тошкентдаги "Самарқанд дарвоза" савдо-кўнгилочар мажмуасида синовдан ўтказилмоқда. Бу ерда, Мобиль оператори мижозлари алоқа сифати ва мобиль интернет тезлигини синаб кўришлари мумкин.

Яқин орада, миллий оператор янги технологияларни ижтимоий моҳият касб этувчи иншоотлар ва жамоат жойларига ҳам ўрнатишни бошлайди.

2020 йилга келиб, ўзбек мобиль алоқа операторлари, ўз база станцияларини 6 мингтагача етказади. Тизимда модернизация ишларини олиб боришда асосий эътибор 3G, 4G ва LTE технологияларини жорий этишга қаратилган.