ЎзМТДП Янгиобод туман партия ташкилоти “Ёшлар қаноти” ташаббуси билан туман ҳудудидаги “Хўжамушкент ота” зиёратгоҳида “Юртим тарихини ўрганаман” шиори остида “Тарихдан садо бергувчи обод гўшалар” номли ёшлар акцияси ўтказилди.

Акция туман Маънавият тарғибот маркази билан ҳамкорликда партия “Ёшлар қаноти” фаоллари томонидан “Хўжамушкент ота” зиёратгоҳида ҳашар уюштирилиб, ободонлаштириш ишлари олиб борилди. Атроф-муҳит тозаланиб, йўлак четига экилган атиргуллар таги юмшатилди. Дарахтларга ишлов берилди,оқланди, таглари юмшатилди. Гул кўчатлари экилди. Зиёратгоҳ майдони бегона ўт, ҳас-хашаклар, кераксиз чиқиндилардан тозаланди.

Акция давоми Халқ депутатлари вилоят кенгаши депутати Сабоҳат Абдураҳмонова ёшларга зиёратгоҳ тўғрисидаги ривоятларни айтиб, ушбу қадамжо тўғрисида тушунчалар бериб ўтди. Минг йиллар ўтибдики, кароматгўй авлиё ёвдан қочиб келиб жон сақлаган жойдан отилиб чиққан булоқлар Ният булоқ, Мурод булоқ, Иситма булоқ каби номлар билан аталиб, хаста кўнгиллар учун малҳам вазифасини ўтаб келмоқда.

Туманимизда “Хўжамушкент ота” зиёратгоҳидан ташқари Ҳавотоғ қишлоқ фуқаролар йиғини ҳудудида “Чанговул ота”, Сармич ҚФЙ ҳудудида “Бутатошвали” каби зиёратгоҳ ва “Рустамазиз ота”, “Кўктўнли ота”, “Қўлтиқазиз”, “Ғойиб ота”, “Чўқмозорбобо”, “Тешиктош бобо”, “Чангалазиз” каби ўндан ортиқ қадамжоларимиз бор- дейди ЎзМТДП Янгиобот туман партия ташкилоти раиси Ҳайдарқул Муқимов.