So‘nggi kunlarda Saudiya Arabistonida ayollarning transport vositalarini boshqarish huquqiga egaligi haqida ko‘plab muzokaralar kelib chiqmoqda. Ushbu mavzu masalasi Konsultativ kengashda mamlakat qonunchilik organi vakillaridan biri bo‘lgan Sulton as-Sulton tomonidan yana bir bor ko‘tarildi.
“Nima uchun mashina boshqarishni yaxshi bilmaydigan chet elliklarni haydovchilikka olish o‘rniga ayollarni avtomobil haydashlariga sharoit yaratib bermaymiz”, - dedi u ishchi migrantlarni ishga qabul qilish to‘g‘risidagi qonunga bag‘ishlangan yig‘ilish chog‘ida.
As-Sulton qayd etishicha, ko‘plab arab oilalarining haydovchi yollashga imkoniyati yo‘q. Axir ularga nafaqat oylik maosh to‘lash, balki yashashlari uchun turar-joylar ham ajratish zarur bo‘ladi.
Bu tashabbusni kengash a'zolari Xayya al-Mania va Latifa ash-Sha'lan qo‘llab-quvvatlashdi.
“Ayollarning mashina boshqarish huquqlari bo‘yicha yana bir yangi muzokara o‘tkazishga to‘g‘ri keladi. Kengash saylov o‘tkazishdan avval vakolatli organlarga ushbu masala yuzasidan murojaat etishi kerak. Biz rasmiy tarzda ariza berdik”, - deydi al-Mania. Eslatib o‘tamiz, mamlakatda ayollarning mashina haydashlarini ta'qiqlovchi hech qanday qonun mavjud emas, barcha muammo azaldan shakllanib kelgan an'analardadir.