WBA, WBO ва IBO таснифлари бўйича ўта оғир вазнда жаҳон чемпиони Тайсон Фьюрининг баёнот беришича, ушбу тоифада бир неча йиллардан бери енгилмас бўлиб келаётган Владимир Кличкони мағлуб этганидан сўнг, боксни давом эттиришга ҳеч қандай сабаб кўрмаяпти. Британиялик боксчининг айтишича, шу боис фаолиятини якунласа ҳам бўлади.

"Мен аллақачон келажагимни таъминлаб бўлдим. Рингга чиқмасамда, 100 ёшга киргунча ёки ўлгунимча ишламасам ҳам бўлади. Шу боисдан ҳам невара-чевараларим ҳақида қайғураяпман. Мен боксдаги барча орзуларимга эришдим, енгилмас чемпионни мағлуб этдим. Энди мен фақат пул учунгина рингга чиқаман. Ҳозирча, бир неча ҳафта шуғулланиб кўраман, ўзимни яхши ҳис қилсам, давом этаман, ёмон бўлса, боксни тўхтатаман", – деган Тайсон Фьюри.