Warner Bros. ва Miral Asset Management компаниялари Абу-Даби (БАА)да 1 миллиард доллар қийматидаги мавзули боғ яратишни режалаштирди. Яс оролидаги кўнгилочар мажмуада Бэтмен, Супермен, Мўъжизавий аёл, Скуби-ду ва киностудиянинг бошқа кўплаб машҳур қаҳрамонларига бағишланган аттракционлар қурилади. Бу ҳақида Variety нашри хабар беради.

Истироҳат боғининг очилиш маросими 2018 йилга мўлжалланган. Унинг ҳудудида меҳмонхона, шунингдек, Бэтмен ва Суперменнинг туғилган шаҳри — Готэм ҳамда Метрополис ҳам қад ростлайди.

Яс оролида шу кунгача “Формула-1” майдони, Ferrari мавзули боғи ва аквапарк мавжуд бўлиб, Warner ва Miral қайд этишича, уларнинг Warner Bros. World Abu Dhabi мажмуаси 2015 йилда оролга ташриф буюрган 25 миллиондан ортиқ меҳмонлар сонини 2018 йилда 30 миллионга оширишга муваффақ бўлади.