BMW компанияси 7-Series седанининг юз йиллигига бағишланган The Next 100 Years («Келаси 100 йил») махсус русумини намойиш этди. Ушбу автомобилни сотиб олган харидорга эса, пероси 750 пробали оқ олтиндан ясалган Montblanc ручкаси ҳадя этилади.
The Next 100 Years модификацияси, интерьер ва экстерьерининг алоҳида услубда ишлов берилгани билан эътиборлидир. Махсус намуна атиги 100 дона ишлаб чиқилади. Ҳар бир машинанинг тартиб рақами марказий консолдаги идиш жойига ўйиб ёзилади.

«Еттилик»нинг кузови тўқ-кўк рангга бўялган ва кўплаб хромли қисмларга эга. Ўриндиқлар оқ рангли тери билан қопланган, шифти оқ тусли алькантара билан тўсилган. Эшик остонасига BMW Individual ёзуви қайд этилган. Бундан ташқари, автомобилга 20 дюймли дисклар ўрнатилади.

Ҳозирча, The Next 100 Years "еттилиги"нинг 450 от кучига эга, 4,4-литрли V8 моторли 750Li русуми ёки 600 от кучига эга 6,6-литрлик V12 двигатели билан жиҳозланган M760Li модификацияларига буюртма бериш мумкин. Йил давомида 740Le гидрид версияси ҳам сотувга чиқарилади. У 326 от кучига эга бўлади.

Айни дамда, юбилей серияси автомобили қанча туриши маълум эмас. The Next 100 Years BMW 7-Series учун буюртмалар қабул қилиниши муддати ҳам номаълум.