Мексиканинг Веракрус штатида Pemex нефть компаниясига тешишли заводда рўй берган ёнғин туфайли қурбон бўлганлар сони 13 нафарни ташкил қилган. Бу ҳақда фуқаролик мудофааси бўйича координатор Луис Фелипе Пуэнте ўз твиттерида маълум қилган.

"Биз ҳудудни кўздан кечирдик, афсуски 13 кишининг жасади аниқланди", деган у.

Бундан олдинроқ, ушбу портлаш туфайли 105 киши жароҳатланиб, шифохонага ётқизилгани хабар қилинганди.

Бу завод Коацакоалькос порти яқинида жойлашган. Бу порт Pemex компаниясининг маҳсулотлари экспорт учун ташилувчи асосий порт ҳисобланади.