«Барселона» жамоаси ҳужумчиси Лионель Месси Испания чемпионатининг 34-турида «Депортиво»га қарши кечган учрашувда иштирок этди.

Бу 28 ёшли футболчининг Примерада энг кўп ўйин ўтказган аргентиналик футболчилар қаторида биринчи ўринга чиқиб олишини таъминлади. Эндиликда Месси 344 ўйинлик кўрсаткичи билан Испании чемпионатида Ариэл Ибагасуни (343) ортда қолдирди.

Бу рўйхатда кейинги ўринларни Фернардо Касерес (339 ўйин), Пабло Диас (330) ва Лео Франко (328) қайд этилган.

Жорий мавсумда Месси Испания биринчилигининг 29 учрашувида майдонга тушиб, 24 гол урди.