Хонанда Сардор Раҳимхон ўзининг Instagram`даги саҳифасида қизиқарли видео жойлаштирди: унда Муҳаммадисо Абдулҳаиров хонандадан концерт дастурига иккита чипта беришини сўрайди. Сардор Раҳимхон эса концертга чипталар қолмаганини айтиб, актёрнинг илтимосини рад этади. Бу ҳолат Муҳаммад Исо Абдулҳаировни ранжитади.

Раҳимхон роликнинг тагига қуйидаги сўзларни қолдирган: “Муҳаммадисо Абдулҳаиров — энг яхши кўрган актёрим. Минг бор узр, акажон”.

Тармоқ фойдаланувчилари ушбу видео ҳазил тариқасида олинганини ва бу концерт олди тайёрланган пиар эканлигини қайд этишмоқда, баъзилар бу ролик жуда кулгули ва қизиқ туюлганини ёзиб қолдиришган. Жорий йилда кўплаб хонандаларнинг концерт дастурига чипта сотиш жараёнида муаммолар пайдо бўлмоқда. Айрим хонандаларнинг концертига ҳаттоки, қалбаки чипталар ҳам тарқалиб кетди. Шунингдек, бу мавсумда концертлар ҳам талайгина. Мазкур ролик эса мухлислар ва интернет нашрларининг эътиборини тортиш учун атайин уюштирилганга ўхшамоқда.