АҚШ ҳам, Форс кўрфази давлатлари ҳам Эрон билан ихтилофга боришдан манфаатдор эмас, деб айтди АҚШ президенти Барак Обама.

"Бизнинг давлатлардан бирортаси Эрон билан ихтилофга боришдан манфаатдор эмас", деб Обаманинг "АҚШ-Форс кўрфази" саммити ёпилишида айтган сўзларини "Франс Пресс" агентлиги келтириб ўтди.

Обама Ар-Риёдга 20 апрелда етиб келди ва шу куннинг ўзида Саудия Арабистони қироли Салмон ибн Абдулазиз ал-Сауд билан икки соатлик музокаралар ўтказди. Обама музокаралар давомида Форс кўрфази давлатларининг Эроннинг бу минтақадаги сиёсатидан хавотирланаётганларини тушунишини билдирди.