ОПЕК бош котиби Абдуллоҳ ал-Бадрий 2016 йил охири–2017 йил бошига нефть бозори мувозанатга келишини кутаётганини маълум қилди, деб хабар бермоқда РИА “Новости” ахборот агентлиги.

"Мен бозор жорий йил охири-2017 йил бошига ўзгаришига умид қиламан. Ҳозир бизда мавжуд бўлган ягона муаммо – меъёрдан ортиқча нефть олишдир. Агар биз бу муаммони ҳал қила олсак, бозор мувозанатга келади", деб айтди Бадрий Халқаро нефть саммити саҳнаси ортида.

Аввалроқ маълум қилинганидек, нефть ишлаб чиқарувчилар Қатарда ўтган учрашувда нефть олиш ҳажмини музлатиш бўйича келиша олмаганлар.