Элликқалъа туманида “Ким эдигу, ким бўлдик? Эртага қандай юксак марраларни эгаллашимиз лозим?” мавзусида тадбир бўлиб ўтди

Ўзбекистон 22 Апрель 2016 2293

Ўзбекистон Республикаси мустақиллигига йигирма беш йил тўлиши муносабати билан мамлакатимизнинг барча ҳудудларида таниқли маданият ва санъат соҳаси вакиллари, шоир ва ёзувчилар билан тарғибот-ташвиқот учрашувлари ташкил қилинмоқда.

Шундай тадбирлардан бири Элликқалъа тумани Сарабий агроиқтисодиёт касб-ҳунар коллежида “Ким эдигу, ким бўлдик? Эртага қандай юксак марраларни эгаллашимиз лозим?” мавзусида бўлиб ўтди. Тадбирда Ўзбекистон халқ шоири Маҳмуд Тоир иштирок этди. Тадбир давомида юртимизда амалга оширилаётган изчил ислоҳотлар, бугунги кунда ёшларга берилаётган кенг имкониятлар ҳақида сўз борди.

Ўзбекистон халқ шоири Маҳмуд Тоир иштирокидаги яна бир тадбир Муҳаммад Юсуф номидаги Бўстон академик лицейида бўлиб ўтди. Элимиз ардоқлаган шоир Муҳаммад Юсуф таваллудининг 62 йиллигига бағишлаб ташкил қилинган адабий кечада тумандаги адабиётшунослар, ёш шоир ва шоиралар, лицей ўқувчилари иштирок этди. Тадбирда шоир қаламига мансуб шеър ва достонлардан парчалар, қўшиқлар ижро қилинди. Шоирнинг ҳаёт йўли, ижодий фаолияти ҳақида кўплаб маълумотлар берилди.

Шунингдек, туманда мустақиллигимизнинг йигирма беш йиллигига бағишлаб Ўзбекистон Республикаси Ички Ишлар Вазирлиги “Ашула ва рақс” ансамбли томонидан хайрия концерт дастури ўтказилди. Бўстон шаҳри амфитеатрида бўлиб ўтган хайрия концертида Учқун Тиллаев, Ўткир Муҳамаджонов, Аваз Охун, Дилсўз, Гулюз, Фирдавс Пазлиддинов каби таниқли санъаткорлар иштирок этди. Тадбир доирасида хизмат пайтида ҳалок бўлган ички ишлар ходимларининг оилаларига моддий ёрдам кўрсатилди.

Қутлуғ сана муносабати билан тумандаги муҳташам Санъат саройида Ўзбекистон Республикаси Маданият ва спорт ишлари Вазирлиги ташаббуси билан, Ўзбекистон давлат санъат музейи томонидан “Ўзбекистон – бағрикенг диёр” фотокўргазмаси ташкил қилинди. Фотокўргазмадан юртимизда амалга оширилаётган бунёдкорлик ишлари, янгидан барпо этилган Жаҳон стандартларига мос иншоотлар, санъат, маданият ва спорт соҳасида эришилаётган ютуқлар, виждон эркинлиги, ёшларнинг ўз юртига садоқати, диний бағрикенгликни ифодаловчи 150 дан ортиқ фототасвирлар ўрин олган. Фотокўргазма яна икки кун давомида намойиш қилиниши режалаштирилган бўлиб, туман ёшлари хотирасида ижобий таассуротлар билан узоқ сақланиб қолади.

Дилшодбек Жуманиёзов

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 28789 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42021 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 157834 Жамият
Кун.uz офис изламоқда
15:48 / 06.08.2017 44791 Lifestyle
RAMADA меҳмонхонасида Ҳинд таомлари фестивали ўтказилди
23:52 / 20.08.2017 1 Жамият
Афғонистонда бир кун ичида 100 дан ортиқ жангари йўқ қилинди
23:34 / 20.08.2017 340 Жаҳон
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 1197 Жамият
РФПЛ. «Зенит» яна ғалаба қозонди, Афонин тўлиқ ўйнаган ўйинда «Анжи» йирик мағлубиятга учради
23:02 / 20.08.2017 404 Спорт
Жанубий Осиёда тошқинлар оқибатида 700 киши ҳалок бўлди
23:00 / 20.08.2017 517 Жаҳон
YouTube «Шошилинч янгиликлар» бўлимини ишга туширди
22:26 / 20.08.2017 2055 Технология
Кўпроқ янгиликлар