22 апрелда эрталабки пайт Жанубий Кореянинг Йосу порт шаҳрида йўловчи поезди темир йўл изларидан чиқиб кетди. Бунинг оқибатида бир киши ҳалок бўлди, яна 8 киши турли оғирликдаги жароҳатлар олди, деб хабар бермоқда Yonhap ахборот агентлиги.

Маҳаллий полиция маълумотларига кўра, поездда 23 киши бўлган. Жабрланганлар сони ошиши мумкин. Фалокат туфайли Сунчхон ва Йосу шаҳарлари орасидаги темир йўл алоқаси узилган. Воқеа жойида қутқарувчилар ва таъмирлаш бригадалари иш олиб бормоқда.

Тегишли идоралар фалокат сабабини аниқлашмоқда.