Таиландда сайёҳлик автобуси йўл транспорт ҳодисасига учраши оқибатида бир киши ҳалок бўлди ва 22 киши жароҳат олди. Бу ҳақда Bangkok Post хабар берди.

Ушбу ЙТҲ 22 апрель куни Бангкокдан ғарбий томонда жойлашган Канчанабури провинциясида содир бўлди. Транспорт воситаси ҳайдовчиси йўлнинг пастлаган қисмида бошқарувни эплай олмади, натижада автобус бетон тўсиқни бузиб ўтиб тепаликка бориб урилди.

Ҳайдовчи воқеа жойида ҳалок бўлган, 22 нафар йўловчи азият чеккан, улардан 3 нафарининг жароҳати оғир. Барча жабр кўрганлар – Таиланд фуқаролари. Улар ҳудуд яқинидаги шифохонага етказилган.