3 ёшли Бруклин Эндрэк ўз туғилган кунини бошқа бир воқеа – Чиқиндиларни йиғиш кунини нишонлаб ўтказди. Айнан шу куни у дунёда ҳаммадан ҳам кўра кўпроқ кутадиган одам – у яхши кўрадиган чиқинди йиғувчи Делвар Допсон келади. Допсон қиз онаси билан яшайдиган ҳудуддан чиқиндини йиғиштириб кетади.

"Ҳаммаси қизим чиқинди йиғувчига қўл силкитгани ойна ёнига югуриб келишидан бошланган. Кейин у чиқинди йиғувчини қаршилагани унинг ёнига югуриб чиқадиган бўлди. Бир гал биз чиқинди олиб кетиладиган вақтни ўтказиб юборганимизда, мен округ бўйлаб чиқинди ташийдиган машинани қизим қўлини силкитиши учунгина қидириб юришимга тўғри келди", деб айтади қизчанинг онаси. Делвар ҳам қизчага жавобан қўлини силкитади.

Бу ой Бруклиннинг туғилган куни бўлди ва у байрам тортини чиқинди йиғувчи билан бўлишишни истади. Аниқланишича, чиқинди йиғувчи ҳам қиз билан дўстлашмоқчи бўлиб юрган экан. Делвар қизчанинг онасига қизча билан учрашишни жуда истаётганини айтган.

Чиқинди йиғувчининг ҳар пайшанба иши кўплигига қарамасдан, у ёқимтой қизчани онаси билан кўришга ошиқади. Делвар қизча билан танишганда, уни "Музюрак" мультфильмини яхши кўришини билиб олди ва рафиқаси билан қизчага шу мультфильмга оид бир сават совғалар туҳфа қилди.

Қизча бундан жуда бахтиёр бўлди. Қизча Делварга миннатдорчилик сўзлари бўлган белги чизди, Делвар эса ўз навбатида машинасига "раҳмат" деган ёзув битди.

Ана шундай антиқа дўстлик қиссаси.