Миср жиноят суди мамлакатнинг собиқ президенти Муҳаммад Мурсий ва 10 нафар собиқ юқори лавозимли амалдорларига нисбатан якуний ҳукмни эълон қилишни 7 майга қолдирди. Улар Қатар фойдасига жосуслик килганликда айбланмоқда. Бу ҳақда 23 апрель куни Қохирада маълум қилинди.

Барча айбланувчилар олиб келинган маҳкама жараёни атиги бир неча дақиқа давом этган. Ҳакамлар ҳукмни эълон қилиш муддатини ўзгартириш ҳақидаги қарорни ўқиб беришгач, суд залини тарк этишган. Судланувчилар мамлакатда фаолияти тақиқланган исломий уюшма аъзолари ҳисобланишади.

"Мусулмон биродарлар" ташкилоти давлат сирини билишга қаратилган жиноятларни содир этиш ва давлатнинг ҳарбий, сиёсий, дипломатик ва иқтисодий манфаатларига зиён етказиш мақсадида бошқа давлат билан жосуслик шартномасига кирганликда айбланади. Бир йилдан ортиқ давом этган маҳкама жараёни якунида айбланувчиларга ўлим жазоси тайинланиши мумкин.