“Даракчи” газетаси хонанда Шаҳзодани 7 кунлик концерт дастури олдидан суҳбатга чорлаб, ўзини қизиқтирган саволларга жавоб олди.

Суҳбат давомида концерти билан боғлиқ сирларга бир оз тўхталган хонанда, бу гал репертуарининг 80 фоизи янги ижод маҳсули бўлиши, қолган 20 фоизи эса мухлислар кўнглидан ўрин олган энг хит тароналар эканлигини маълум қилди. Шунингдек, Шаҳзода бу галги концертида жуда кўп дуэт куйлашни режалаштирганини билдирди.

- Концертга тайёргарлик қизғин кечаётган бир пайтда тобингиз йўқлиги ҳақида эшитдик, бу ҳолат репитицияларга салбий таъсир кўрсатмадими, деган саволга эса Шаҳзода:

- Иссиқ жон… Кези келганда тобим қочиши табиий. Аммо мен бу мавзуни муҳокама қилишни истамайман. Шукр, соғ-саломатман, ҳеч нарсадан нолимайман, дея жавоб берган.