Туркия полицияси ИШИДнинг жангарилари деб тахмин қилинган 6 кишини ҳибсга олди, улар Конья вилоятидаги тадбирда Туркия бош вазири Аҳмет Довудўғлуга ҳужум қилмоқчи бўлган. Бу ҳақда Daily Sabah нашри хабар бермоқда.

Довудўғлуга ҳужум қилишга тайёргарчиликда гумонланаётганлар бош вазирнинг вилоятга келиши олдидан кўрилган хавфсизлик чоралари вақтида ҳибсга олинган.

Таъкидланишича, полиция аввалроқ аниқланган уч манзил бўйича тинтув ўтказган ва у ерда гумонланувчиларни қўлга олган.

Бундан ташқари, ушланганларнинг ИШИДга алоқадорлигига кўрсатувчи ҳужжатлар ҳам топилган.

Бу гуруҳнинг етакчиси деб ҳисобланган қўлга олинганлардан бири суриялик бўлган.