23 апрелда Испания Примерасининг 35-турида "Атлетико" ўз майдонида "Малага"ни кутиб олди.

Учрашув "матрасчилар"нинг 1:0 ҳисобидаги минимал устунлиги билан якунланди. Ўйиндаги ягона голни 62-дақиқада Анхель Корреа киритди. Шунга қарамасдан, иккала жамоада ҳам ўйин якунлангунча ҳисобни ўзгатиришга имкониятлар талайгина бўлди.
Қайд этиш жоизки, "матрасчилар" бош мураббийи Диего Симеоне учрашув давомида майдондан четлатилди.

"Атлетико" шу ғалабаси эвазига 82 очко тўплаб, мусобақа жадвалининг 1-поғонасига кўтарилиб олди ва аввалроқ "Райо Вальекано"ни мағлуб этган "Реал"ни (81 очко) ортда қолдирди.

Бироқ "Барселона" ушбу турда ҳали ўз ўйинини ўтказмади ва агар 79 очко тўплаган каталонияликлар "Спортинг"ни ютсалар, ўзларига етакчиликни қайтиб оладилар.

Испания Примераси. 35-тур
Атлетико М – Малага – 1:0
Гол: Корреа, 62 (1:0).