Франциянинг «ПСЖ» клуби ҳужумчиси Златан Ибраҳимович Хитой клублари билан музокараларни давом эттирмоқда, деб ёзади Le 10 Sport нашри.

Манба берган хабарга кўра, бир қатор Хитой жамоалари Ибраҳимовични ўз жамоасида кўришни истамоқда. Аммо Златан Европа жамоаларидан бирида тўп суришни истамоқда ва фақатгина астрономик даражадаги маблағ тўлансагина Осиёда тўп суришга розилик беришини таъкидлаб ўтган.

Бундан олдинроқ, Хитойдаги клублардан бири футболчига йилига 70 млн евро йиллик маош таклиф қилган, бироқ швециялик бу таклифни рад этган.

Ибраҳимовичнинг «ПСЖ» билан амалдаги шартномаси мавсум ниҳоясига етгач, тугайди.

Жорий мавсумда футболчи 27 учрашувда майдонга чиқиб, 32 гол ва 13 самарали узатмаларни амалга оширган.