ЖАР ҳукумати яқин 4 йилда Эрон билан савдо алмашинуви ҳажмини йилига 8 миллиард долларгача кўтаришини мақсад қилиб қўйди. Жанубий Африка Республикаси президенти Жейкоб Зума Теҳрондаги Эрон-ЖАР бизнес-форумида иштирок этиб, шу ҳақида маълум қилган.

"Жанубий Африка республикаси Эрон билан савдо алмашинувининг йиллик ҳажмини яқин тўрт йил ичида 8 миллиард долларгача кўтаришга ҳаракат қилади", дея Эрон матбуот хизмати ЖАР президентининг сўзларини келтирган.

Жейкоб Зума берган маълумотларга кўра, 2015 йилда икки давлат ўртасидаги товар айирбошлаш ҳажми 350 миллион долларни ташкил қилди. Шунингдек, у расмий Претория Теҳронни ўзининг Яқин Шарқ ва Марказий Осиё минатқасидаги стратегик ҳамкори сифатида кўришини таъкидлади.

24 апрель куни Теҳронда Эрон президенти Ҳасан Руҳоний Жейкоб Зума билан музокара олиб борди, Ислом Республикасининг маънавий етакчиси ва раҳбари Оятуллоҳ Али Ҳаменеий томонидан кутиб олинди. Бугун, 25 апрелда Эрон ва ЖАР турли соҳадаги ҳамкорликка оид саккизта ҳужжатни имзолашди.