АҚШ президенти Барак Обама Германия канцлери Ангела Меркелнинг Европа миграция инқирози бўйича тутган йўлини қўллаб-қувватлади, деб хабар бермоқда Reuters ахборот агентлиги.

"Бу борада Меркель ҳақ йўлда турибди. Бу глобаллашган дунёда биз учун шунчаки деворни қуриш жуда мушкулдир", деб айтди Обама Меркель билан Ганноверда берган матбуот анжуманида.

Аввалроқ Германия канцлери ва Еврокенгаш раиси Дональд Туск Туркиядаги суриялик қочқинлар лагерига ташриф буюргани маълум қилинганди.

Шунингдек, НАТО бош котиби Йенс Столтенберг Европага тушувчи муҳожирларнинг сони анча камайганини маълум қилган.