Мисрнинг туризм бўйича даромади 2016 йилнинг биринчи чорагида 500 миллион долларни ташкил этди, ўтган йили бу кўрсаткич 1,5 миллиард долларни ташкил этган. Бу эса даромадлар 66 фоизга камайганини билдиради. Бу ҳақида Reuters агентлиги туризм вазирлиги иқтисодий маслаҳатчиси Адла Рагабга асосланиб хабар берди.

Маслаҳатчининг сўзларига кўра, Мисрга шу йилнинг илк уч ойида 1,2 миллион, яъни ўтган йилга нисбатан 45 фоизга кам саёҳатчи ташриф буюрган. 2015 йилнинг илк уч ойида Мисрни 2,2 миллион киши зиёрат қилган.

Агентликнинг таъкидлашича, 2015 йилнинг октябрь ойида Синай устида ҳалокатга учраган Россия самолёти саёҳатчилар оқимининг камайишига асосий туртки бўлган. Россия ва бошқа бир қатор мамлакатлар Миср билан авиаалоқани бир неча муддатга тўхтатиб қўйган. Аммо республиканинг туризм вазири Муҳаммад Яҳё Рашиднинг айтишича, Миср 2017 йилнинг охирига келиб, EgyptAir ("Иджипт Эйр") миллий авиакомпаниясининг хориждаги фаолияти кенгайтирилиши орқали саёҳатчиларнинг сонини 12 миллионга етказишни режалаштирмоқда.