2015 йилнинг сентябридан буён Москвадаги Шереметьево аэропортининг транзит ҳудудида яшаб келган суриялик қочқинларга Россиядан бошпана берилди. Уларга бошпана бериш сўралган арзнома Change.org сайтига жойлаштирилган ва унга 162 253 киши овоз берган.

"Менда сизлар учун яхши янгилик бор! Ниҳоят бизга Россияда яшаш ҳуқуқи берилди. Бизнинг қўлимизда буни тасдиқлайдиган расмий ҳужжатлар мавжуд", дея мурожаат қилган оила бошлиғи.

Қайд этилишича, улар Самарадаги қариндошлариникида яшашлари мумкин бўлади.

Бундан олдинроқ, Россия президентининг матбуот котиби Дмитрий Песков суриялик бу қочқинлар оиласи билан боғлиқ вазият ФМСнинг хато ҳаракати туфайли эмаслиги, улар Россия чегарасини қалбаки ҳужжатлар билан кесиб ўтишга уринганида тўхтатилганини баён қилганди.

2015 йилнинг 31 октябрида қочқинлар аэропорт ҳудудида яшаётганига 2 ойга яқин вақт бўлганида Россия Федерал миграция хизмати бу оилага бошпана беришдан бош тортди.

Қозоғистонлик аёл суриялик эри ва болалари билан Шереметьево аэропортида 1,5 ой яшади