Airbus корпорацияси АҚШда барпо этилган биринчи A321 лайнерини буюртмачига етказиб берди

Жаҳон 27 Апрель 2016 432

Европанинг Airbus авиасозлик корпорацияси Американинг JetBlue Airways лоукостерига Америкадаги заводида йиғилган A321 ҳаво лайнерини етказиб берди. Тантанали маросим Airbus компанияси ишлаб чиқариш корхонаси жойлашган Алабама штати Мобил шаҳрида бўлиб ўтган.

Бир йилга бормасдан қурилган янги A321 ўтган ойда Мобил аэропортидан синов парвозларига кўтарилган эди. Унга расман BluesMobile деб ном берилган. Унинг фюзеляжи айрим қисмлари Германиянинг Ҳамбург шаҳрида ясалиб, сўнгра АҚШга юборилган.

Airbus’нинг ишлаб чиқариш директори Жон Лихининг айтишича, бир неча йиллар аввал, Airbus АҚШда самолёт ишлаб чиқариши ҳеч кимнинг хаёлига ҳам келмаган эди, эндиликда бу ҳақиқатга айланди.

JetBlue Airways раҳбари Робин Хейс, ўз навбатида, ажойиб самолёт учун Airbus’га миннатдорлик билдирган.

Ҳозирги вақтда, Airbus’нинг Мобилдаги ишлаб чиқариш қувватида яна 9 дона A321 устида иш олиб борилмоқда. Уларнинг саккизтаси American Airlines, бири Spirit Airlines буюртмасига асосан ишлаб чиқарилмоқда.

Airbus корпорацияси АҚШдаги ишлаб чиқариш бирлашмасини барпо этишга 600 млн. доллар маблағ сарфлади. У ўтган йилнинг июль ойида фаолиятини бошлади. 2018 йилда Мобил заводи лойиҳа қувватига эришиб, ойига 4та самолётни харидорларга етказиб бериши режалаштирилган. Airbus’нинг АҚШдаги ваколатхонаси раҳбари Ульрих Вебернинг айтишича, истиқболда мажмуа кенгайтирилиб, ойига 8 дона самолёт ишлаб чиқариш имконияти яратилиши мумкин.

Airbus A321 тор салонли самолётлар турига киради. У қисқа ва ўрта масофаларга парвозларни амалга ошириш учун мўлжалланган. Boeing 737 самолёти ушбу моделнинг асосий рақиби ҳисобланади.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 57732 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 33364 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 41103 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 5049 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16859 Ўзбекистон
16 август куни Тошкентда юз берган йўл-транспорт ҳодисалари
11:50 3419 Жамият
Шавкат Мирзиёев Бекободга ташриф буюрди
Қўшимча-контракт асосида ўқишни истайдиганлар нима қилиши керак?
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 1086 Жамият
ОАВ: Россияда пластик пуллар пайдо бўлади
Кўпроқ янгиликлар